أغاني برعمانية

إيدي بايدك خليها    حتى الأرض نحميها

فداها بترخص الروح    والله بروحي بفديها

من الله الأرض هدية    ما أنا إلا هيي

لازم نحميها سويّة    ورايه النصر نعليها

عنها مش راح نتخلى عليها    الروح ما بتغلى

يشهد علينا الله    راح نرجع نسكن فيها

راح يرجع الحق بيوم لأصحابه    من غير سوم

وللظالم راح يجي يوم    ايام مره يلاقيها

يا نجلا مشي مشوار

عبرعم تنزور الدار

قولي بلدي ما بنساها

انا ولا برضى بسواها

لو بضلها كوم حجار

=====

يا بابا انا مش ناسي

بلدي بقلبي واحساسي

لكن هالزمن أسى

حكم علينا والله وجار

=====

بعاد صارو الاحباب

يا بابا وطال الغياب

لكن في عنا شباب

شباب العوده هالاحرار

=====

بايمان برب الاكوان

بحبهم لترب الأوطان

بقلوب متل الصوان

بخلو الليل يصير نهار